ЈАВЕН ОГЛАС за вработување на 41 образовен асистент и 1 наставник по работа со компјутер

 
Врз основа на член 22 и 23 од Законот за работни односи (Службен весник на РМ бр. 62/05, 106/08, 161/08, 114/09, 130/09, 50/10, 52/10, 124/10, 47/11, 11/12, 39/12, 13/13, 25/13, 170/13, 187/13, 113/14, 20/15, 33/15, 72/15, 129/15, 27/16 и 120/18), член 19 став (7) и член 88 од Закон за основното образование („Службен весник  на Република Северна Македонија“ бр.161/19 и 229/20) и од Правилникот за начинот на побарување на образовен/личен асистент и начинот на селекција и избор на образовен/личен асистент бр. 08-9358/2 од 05.08.2022 година, одобрените согласности за вработување на определено работно време за учебната 2024/25 од Министерството за образование и наука бр. 12-3246/2 од 25.02.2025 година, 12-157/4 од 25.03.2025г. и 12-12781/2 од 16.12.2024 година и одлуката на директорот на Основното училиште со ресурсен центар „д-р Златан  Сремец“ Скопје со архивски број 02-238/1 од 28.03.2025 објавува:
   
Се објавува јавен оглас за вработување на  стручни соработници- приправници - образовни асистенти на определено работно време во учебната 2024/2025 година, за работа со ученици со попречености во основните училишта во следните општини: Јегуновце, Теарце, Тетово, Желино, Боговиње, Брвеница, Врапчиште, Гостивар, Маврово и Ростуша, Карпош, Кисела Вода, Аеродром, Ѓорче Петров, Сарај, Сопиште, Студеничани на следните работни места:
Стручен соработник - приправник во основно образование:

1. Образовен асистент во одделенска/предметна настава- 21 (дваесет и еден) извршител на македонски наставен јазик.
2. Образовен асистент во одделенска/предметна настава – 18 (осумнаесет) извршители на албански наставен јазик.
3. Образовен асистент во одделенска/предметна настава – 2 (два) извршители на турски наставен јазик.
4. Наставник по предметот работа со компјутер – 1 (еден) извршител во основно училиште со ресурсен центар со фонд од 10 наставни часа неделно на определено работно време.

 
Кандидатот треба да ги исполнува следните:
Општи услови:

• да е државјанин на Република Северна Македонија;
• активно да го користи македонскиот јазик;
• да е полнолетен;
• да има општа здравствена состојба за работното место;
• со правосилна пресуда да не му е изречена казна забрана на вршење професија, дејност или должност;
• да не му е изречена привремена мерка за заштита или не му е одземено вршењето на родителско право
• со правосилна пресуда да не е осуден за кривично дело со казна затвор над шест месеци,
• да не е член на потесното семејство на лицето на кое би му пружало образовна асистенција.

 
Посебни услови:
За кандидатите под точка 1,2,3 (образовен асистент во одделенска/предметна настава):
Завршено образование за:
Специјален едукатор и рехабилитатор, педагог, психолог, социјален работник, социјален и рехабилитациски педагог, со завршено образование VII/1 степен, т.е VI A според македонската рамка на квалификации  (МРК) или 240 ЕКТС, како и лице што ги исполнува условите за наставник во одделенска настава (VII/1 степен т.е. VI А според македонската рамка на квалификации МРК или 240 ЕКТС, како и лице наставник во предметна настава (VII/1 степен т.е. VI А според МРК или 240 ЕКТС).
Општи работни компетенции на образовните асистенти:

• поддршка на учениците со попреченост,
• соработка со наставниците,
• соработка со родителите/старателите
• соработка со стручните работници и инклузивниот тим на ученикот
• соработка со зедницата
• комуникација и
• остварување на резултати.

Распоред на работно време

• Работни денови понеделник-петок
• Работно време 8 часови дневно
• Работни часови неделно 40, од кои 20  до 30 часа во директна поддршка на ученикот и наставникот и 10 до 15 часа за подготовка и организација на сопствената работа
• Основен надоместок на образовниот асистент: 37.034,00 денари.
• Времетраењето на работниот однос за кој се ангажира образовниот асистент е за учебната 2024/2025 година.

 
За кандидатите под точка 4 (Наставник по предметот работа со компјутер):
Завршено образование:
Диплома за завршено соодветно високо образование, 240 кредити според ЕКТС или завршен VII/1 степен на студии по информатика, наставна насока или применета насока со педагошка и методска подготовка.
Распоред на работно време

• Работни денови понеделник-петок
• Основен надоместок на наставник по предметот работа со компјутер: 18.290,00 денари.
• Времетраењето на работниот однос за кој се ангажира наставникот по предметот работа со компјутер е за учебната 2024/2025 година.

 
Потребни документи за пријавување:

• Барање/Молба
• CV/Кратка биографија
• Мотивационо писмо за интересот за работното место образовен асистент,
• Диплома/уверение за завршено соодветно образование,                                              
• Уверение за државјанство,
• Извод од матична книга на родени,
• Потврда од суд за неосудуваност, (не постара од 6 шест месеци)
• Потврда од суд дека не му е одземено родителско право,
• Да има општа здравствена состојба за работното место (лекарско уверение не постаро од 12 месеци);
• Потврда дека  не му е изречена казна забрана на вршење професија, дејност или должност (не постара од 6 шест месеци)

Доколку има претходно искуство со образовна асистенција на ученик во основото образование се наведува името и презимето на ученикот и училиштето каде учи ученикот,
Документите се доставуваат во рок од 7 (седум) работни дена од денот на објавувањето на повикот во дневниот печат во затворен плик, лично, во архивата на  основното училиште со ресурсен центар „ д-р Златан Сремец“ Скопје во периодот од 08.30-14.30 часот или исклучиво по брза пошта на адреса: Емил Зола бр. 5 Скопје, со назнака „Јавен оглас за образовен асистент“ или „Јавен оглас за наставник по работа со компјутер“
Документите се доставуваат во оригинал или копии заверени на нотар.
Изборот на кандидатите го врши Комисија формирана од директорот на основното училиште со ресурсен центар.               
Во постапката за избор, по завршената административна проверка се врши интервју со Комисијата.
Избраните кандидати ќе добијат соодветна обука пред стапување на работа од соодветнo обучени обучувачи. Со избраните кандидати ќе бидаат склучени договори за вработување.
 
НАПОМЕНА:
Некомплетната и ненавремено доставена документација нема да се разгледува
Работодавачот го задржува правото на промена на бројот на извршители на работните места во зависност од потребите.